സമീക്ഷ യുകെ സംഘടിപ്പിക്കുന്ന സാംസ്‌കാരിക സദസ്സിന്റെ ഉത്‌ഘാടനം മാർച്ച് 7 ഞായറാഴ്ച
സമീക്ഷ യുകെ സംഘടിപ്പിക്കുന്ന സാംസ്‌കാരിക സദസ്സിന്റെ ഉത്‌ഘാടനം മാർച്ച് 7 ഞായറാഴ്ച
കേരളത്തിൽ സമാഗതമായിരിക്കുന്ന നിയമസഭാ തിരഞ്ഞെടുപ്പിന്റെ പ്രചരണാർത്ഥം സമീക്ഷ യുകെ സംഘടിപ്പിക്കുന്ന സാംസ്‌കാരിക സദസ്സിന്റെ ഉത്‌ഘാടനം ഈ വരുന്ന ഞായർ മാർച്ച് 7 യുകെ സമയം ഉച്ചക്ക് ഒരുമണിക്ക്
ബഹുമാനപെട്ട സിപിഐഎം കേന്ദ്ര കമ്മറ്റി അംഗം ശ്രീ ഇപി ജയരാജൻ നിർവഹിക്കും . പ്രസ്തുത ചടങ്ങിൽ മുഖ്യ പ്രഭാഷകരായി Dr രാജ എൻ ഹരിപ്രസാദ് (Researcher, Social Activist, Orator ), സ്വാമി സന്ദീപാനന്ദഗിരി (Founder & Director of the “Salagramam Public Charitable Trust”) എന്നിവർ പങ്കെടുക്കുന്നു. zoom ലൂടെയും facebook ലൂടെയും ആകും പരുപാടി നടത്ത പെടുക.
ഈ സർക്കാർ അധികാരത്തിൽ വരുന്നതിനു മുമ്പ് പുറത്തിറക്കിയ പ്രകടനപത്രികയിൽ പറഞ്ഞ മുഴുവൻ കാര്യങ്ങളും അതിൽ ഒരുപാടു കൂടുതലും നടപ്പിലാക്കി കഴിഞ്ഞിരിക്കുകയാണ്. അതെല്ലാം തന്നെ നേരിൽ കാണാൻ കഴിയുന്ന തെളിവുകളായി നമുക്കു മുന്നിൽ തെളിമയോടെ തിളങ്ങി നിൽക്കുന്നു. പ്രകടന പത്രികകൾ വെറും വാഗ്‌ദാനങ്ങൾ മാത്രമല്ല പാലിക്കപ്പെടാനുള്ളതാണ് എന്ന് കേരളത്തിലെ ജനങ്ങൾക്ക് മനസിലാക്കി കൊടുത്ത ഒരു സർക്കാർ ആണ് ഇത്. ഇന്ത്യയുടെ സാമൂഹിക സാംസ്‌കാരിക മേഖലകളിൽ സംഘപരിവാർ അജണ്ടകൾ അടിച്ചേല്പിക്കുമ്പോൾ, ഇന്ത്യൻ ചരിത്രത്തെ തന്നെ തിരുത്തി എഴുതുവാൻ ശ്രമിക്കുമ്പോൾ അതിനെതിരെ ഒരു ജനതക്ക് വേണ്ടി മുൻപിൽ നിന്ന് പോരാടിയ ഒരു ഗവണ്മെന്റ് ആണ് കേരളത്തിലെ എൽഡിഫ് ഗവണ്മെന്റ് . അതുകൊണ്ടുതന്നെ ഈ ഗവണ്മെന്റ് ന്റെ തുടർഭരണം കേരളത്തിന്റെ മാത്രം അല്ല ഇന്ത്യയുടെ തന്നെ മത നിരപേക്ഷമനസ്സുകളുടെ ആവിശ്യമാണ് എന്ന് സമീക്ഷ യുകെ വിലയിരുത്തുന്നു.
മാർച്ച് 7 നു നടക്കുന്ന പ്രസ്തുത പരുപാടിയിൽ നിങ്ങൾ ഓരോരുത്തരുടെയും പങ്കാളിത്തം ഉറപ്പുവരുത്തി പരുപാടി വിജയിപ്പിക്കണം എന്ന് സമീക്ഷ യുകെ നാഷണൽ കമ്മറ്റി അഭ്യർത്ഥിച്ചു .