സമീക്ഷ യുകെയുടെ ആറാമത് ദേശീയ സമ്മേളനത്തോടനുബന്ധിച്ച് നടത്തുന്ന ദേശീയ ബാഡ്മിന്റൺ മത്സരങ്ങളുടെ ഭാഗമായ മാഞ്ചസ്റ്റർ റീജിയണൽ ടൂർണമെന്റ്

സമീക്ഷ യുകെയുടെ ആറാമത് ദേശീയ സമ്മേളനത്തോടനുബന്ധിച്ച് നടത്തുന്ന ദേശീയ ബാഡ്മിന്റൺ മത്സരങ്ങളുടെ ഭാഗമായ മാഞ്ചസ്റ്റർ റീജിയണൽ ടൂർണമെന്റ് ഫെബ്രുവരി 25ന് മാഞ്ചസ്റ്റർ വിഥിൻഷോയിൽ സെന്റ് പോൾ കാതലിക് ഹൈസ്കൂളിൽച്ച് വച്ച് നടന്നു.

ഇരുപത്തിനാല് ടീമുകൾ മാറ്റുരച്ച ടൂർണമെന്റിന്റെ ഉത്‌ഘാടനം സമീക്ഷ യുകെയുടെതന്നെ മുതിർന്ന പ്രവർത്തകൻ വിനോദ് കുമാറും പ്രസിഡൻറ് ഷാജിമോൻ കെഡി യും ചേർന്ന് നിർവ്വഹിച്ചു.

മത്സരത്തിൽ നാസിറുൽ കരിം, എസ്താൻ ഡാല്ലേ സഖ്യം ഒന്നാം സ്ഥാനം കരസ്ഥമാക്കി. ഡാനിയൽ അസീസ്, സെയ്ൻ അസീസ് സഖ്യം രണ്ടും അനുമോൻ, ബാജിയോ സഖ്യം മൂന്നും സ്ഥാനങ്ങൾ നേടി. റീജിയണൽ ടൂർണമെന്റിലെ ആദ്യ മൂന്ന് സ്ഥാനക്കാർക്ക് മാർച്ച് 25ന് മാഞ്ചസ്റ്ററിൽ നടക്കുന്ന നാഷണൽ ഫൈനലിൽ പങ്കെടുക്കാനുള്ള അവസരം ലഭിക്കുന്നതാണ്.

നാഷണൽ ബാഡ്മിന്റൺ കോർഡിനേറ്റർ ജിജു സൈമൺ, ഏരിയ സെക്രട്ടറി പ്രവീൺ രാമചന്ദ്രൻ, ബ്രാഞ്ച് പ്രസിഡന്റ് ഷാജിമോൻ കെ ഡി, സെക്രട്ടറി ഷിബിൻ കാച്ചപ്പള്ളി, സമീക്ഷ യുകെ മുൻ നാഷണൽ പ്രസിഡന്റ് സ്വപ്ന പ്രവീൺ, ബ്രാഞ്ച് ബാഡ്മിന്റൺ കോർഡിനേറ്റർ സിറിൽ മാത്യു എന്നിവർ വിജയികൾക്ക് സമ്മാനം വിതരണം ചെയ്തു.

വളരെ മികച്ചരീതിയിൽ ഓർഗനൈസ് ചെയ്ത ടൂർണമെന്റ് നിയന്ത്രിച്ചത് പരിചയ സമ്പന്നരായ റെഫറിമാരാണ്. മത്സരങ്ങളുടെ സുഗമമായ നടത്തിപ്പിനായി ഇരുപതോളം സമീക്ഷ പ്രവർത്തകർ പങ്കെടുത്തു. ഏകദേശം നൂറ്റമ്പതോളം കായികപ്രേമികൾ മത്സരം വീക്ഷിക്കുന്നതിനായെത്തിയിരുന്നു.

സംഘാടന മികവുകൊണ്ടും, ജനപങ്കാളിത്തം കൊണ്ടും ഈ ബാഡ്മിന്റൺ ടൂർണമെന്റ് അക്ഷരാർത്ഥത്തിൽ ഒരു കായികോത്സവമാക്കി മാറ്റാൻ കഴിഞ്ഞുവെന്നതിൽ സമീക്ഷ മാഞ്ചസ്റ്റർ ബ്രാഞ്ചിലെ ഓരോ പ്രവർത്തകനും അഭിമാനിക്കാം.

ഏവർക്കും അഭിനന്ദനങ്ങൾ

സ്വാഗത സംഘം

സമീക്ഷ യു.കെ

ആറാം ദേശീയ സമ്മേളനം

#sameekshaukbadmintonfest2023